1. 阿媽，我聽表姐講，姨媽成日講你壞話，話你年年新年都過去煩住佢，唉……家啲人，太唔尊重傳統。
2. 阿媽，人人都去拜年，係好機會去幫表姐搶奶粉！
3. 阿媽，嗚嗚嗚……白事在身，我唔去拜年喇！嗚嗚嗚……我養緊隻數碼暴龍死咗呀！
4. 阿媽，親戚即係一家人，一家人係唔應該過年先見面㗎，過咗年之後再約我啦。
5. 阿媽，今日要拜年咩？你都無通知過我！吓？WhatsApp咗我？我收唔到喎！鬼叫你唔肯幫我畀八蚊咩！
6. 阿媽，去拜年都要講經濟效益，去姑婆到，佢又無老公，利市一定單封，仲要一定封廿蚊！OK，過海車錢一程十三蚊，來回廿六！我去拜年蝕六蚊呀！
7. 阿媽，啱啱美國太空總署宣布由於發現咗一粒新嘅矮行星，影響咗整個天文運算系統，導致今年要取消農曆新年喎。
8. 阿媽，依家興網上拜年㗎喇，我喺姨媽個facebook留咗言㗎喇，你自己得閒去留言啦。
9. 阿媽，阿媽，阿媽，阿媽，阿媽，阿媽，阿媽，阿媽，阿媽，阿媽，阿媽，阿媽……（嗌到新年過去為止）
10. 阿媽，我訂咗機票酒店呀！唔可以同你去拜年呀！BTW，你都唔可以去拜年呀，因為我訂埋你嘅機票酒店，想你同我一齊去旅行呀！難得有假期，我淨係想同最親嘅家人一齊咋！
Copy from here
沒有留言:
發佈留言